بعد إتهامات عبد القادر … خالد الغندور في مفاجأة كبرى يكشف اللاعبين المتورطين في “تقبيض” صفحات الأهلي!!

كشف الإعلامي خالد الغندور كواليس جديده بخصوص اللاعبين المتورطين في تمويل صفحات الأهلي من أجل الاشاده بهم ، وذلك بعد اتهامات احمد عبد القادر لصفحات الأهلي بتلقي رشاوي من لاعبين من أجل الإشادة بهم.

وقال الغندور في تصريحات عبر فيديو بثه على صفحته الشخصية على موقع التواصل الإجتماعي فيسبوك:”احمد عبد القادر لاعب محترم ولاعب موهوب ولاعب مهاري ، فضح صفحه عليها ٣ مليون متابع وفضح انهم بياخدوا فلوس وبيقبضوا”.

وواصل:”بعض المواقع خدت الخبر ومسحت اسم الصفحه خايفين منهم ، عبد القادر قال ان في لاعبين كمان بيدفعوا فلوس وانا عارفهم بالمناسبه مين اللاعبين دول”.

وتابع:”انا اقولكوا الصفحات دي بتاخد الفلوس ازاي ، اللعيب ياخد بطوله مثلا يقوله يا لعيب يا كبير وهاتلي ايفون ١٤ برو ماكس ببتاع ٥٠ او ٦٠ الف جنيه”.

وأكمل:”او ممكن بعض الناس اللي مش عاوز تحط نفسها في الصوره تقوم مديه فلوس للناس دي تشتملهم وبتاع وشغل الهجص ده”.

وشدد:”انا عارف ٢ لاعيبه كمثال والله بيدفعوا فلوس للصفحات دي وفيهم واحد لسه عامل مصيبه بالمناسبه”.

وأردف:”في بقا صفحات بتاخد اسماء الانديه عشان تتكسب من وراها اصلا ويقولك اصل خالد الغندور بيقبض ، طب ما ايوه انا بقبض لاني شغال في وظيفه زيي زي اللي شغال في بنزينه او دكتور انقذ حياه انسان فبيقبض تمن شغله”.

واستطرد:”فالشخص اللي مش عارفين يمسكوا عليه حاجه بقا يقولك اصله بيقبض ، تلاقيه بيقولك شوف فلان وخليك محترم زيه ، او مرتضى بيشتم وتلاقيه هو لسانه قذر وشتام وبيسب بأفظع الالفاظ”.

وأكمل:”عاوزين يعلموك العفه والفضيله ويفهمك انه مؤدب لكن هو انسان قذر وانسان واطي وقليل الادب ، تلاقي ناس منهم تقولك يا اخي مش مكسوف من ولادك ، هتكسف من ولادي عشان بتكلم في الكوره وبقبض اول الشهر” .

وأتم:”انا عمري ما خدت ساعات ولا خدت فلوس ولا فرضت ولادي على قطاع الناشئين على حساب ناس تستاهل”.