ملعب كيداهم

غسيل ومكواة من فتاة للساخرين من زوجة صلاح .. فلاح ابن فلاح يا مبقعة

نشرت صفحة اهل اسكندرية عبر موقع التواصل الاجتماعي الفيس بوك ، تعليق من فتاة جريئة علي السخرية من زوجة صلاح .

 

وذلك بعد ظهورها الاخير معه بعد مباراة روما ، والتي ظهر فيها ابن مصر بأفضل شكل بعد احرازه هدفين وصناعة هدفين اخرين .

 

اليكم ما كتبته الفتاة

 

ملكات جمال القارة السمراء ..

كلهم نزلوا صورة صلاح ومراتة .. وهاتك يا قلش ..

محمد صلاح لو إتقدم لواحدة منكم من كام سنة كنت هتقولي عليه فلاح .. من بلد فلاحين بيقعد علي حصيرة .. وبياكل بإيده … وبيلعب في نادى زى المقاولين .. يعنى عيل صايع لا ليه مستقبل ولا معاه فلوس ولا اي حاجة … مترديش يا صاحبة الصون والعفاف توافقى علي واحد زيه أصلا .. وبالمناسبة هو نفسه مكنش يوافق على واحدة من عينتكم .. لأن فى البلاد دى بيدوروا علي بنات الأصول .. على العيلة اللى تشرف .. على كبير … دى بنت عادية خالص ومش وحشة هى عادية زى معظمنا .. ممكن تفرد شعرها وتعمل ميك اب … بس هى عجباه يا ستى هو مش شايف غيرها أصلا ومش فاضى … هى مليا قلبه … و اللى بيحب حد بيشوفة أحلى حد في الدنيا .. خدوا عينى شوفوا بيها … هى اتحملته وهو ولا حاجة … أما ملك كل حاجة المفروض يعمل ايه … يسيبها يعنى … عموما الست بتتعرف اما اللى معاها بيخسر كل حاجة .. والراجل ابن الأصول بيتعرف أما بيملك كل حاجة … والنجاح ربنا مبيدهوش لأى حد .. إنضفوا كدة .. لأنكم مش حلوين خالص .. الحلو روحة حلوة .. وقلبة حلو … مبيستخصرش في الناس رزقها .. وهو رزقها مش عشان صلاح .. هو رزقها بالحب والعشرة الطيبة … وعلي فكرة هو غير انه محمد صلاح .. هو كمان مش حلو خالص .. لو مش محمد صلاح وماشى في الشارع مش هيلفت انتباه حد … لأنه عادى … وأصلا التفكير فى الشكل ده سطحية ..

وبالنسبة للبوز … حوشى الفرفشة اللي بتدلدق منك يا بت ..

إرتقوا يا ولاد المبقعة ..

loading...

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق