المستندات تتحدث.. ابراهيم فايق ينهي الجدل: إمام عاشور لن يدخل بوابة الأهلي مرة أخرى!

اوضح الاعلامي ابراهيم فايق ان “اللي بيحصل في ملف إمام عاشور مش احتراف… ده عبث صريح ومحاولة ليّ ذراع نادي بحجم الأهلي. لاعب لسه في عز احتياجه الفني، وفجأة نسمع عن عروض بتتخبّى شهور عند الوكيلة، وما تتبعتش للنادي، وكأن الأهلي طرف ثانوي أو مجرد محطة عبور!

العرض السعودي من الشباب قاعد أكتر من شهرين عند الوكيلة من غير ما النادي يعرف؟ ده اسمه إيه؟ ده اسمه تلاعب واضح ومحاولة فرض أمر واقع. وبعدين يظهر عرض تاني من التعاون، وبرضه يتقدم للوكيلة مش للنادي! هو الأهلي مش صاحب العقد؟ ولا العقد بقى حبر على ورق؟

الأغرب والأخطر هو الكلام المنسوب للوكيلة عن إن اللاعب “يقدر يمشي ويوقّع لأي نادي ويدفع الغرامة”! الكلام ده استخفاف بالقوانين وبالنادي وبالجماهير. الأهلي مش نادي هواة عشان كل شوية نلوّح له بفيزا السعودية والغرامة الدولية ونقول له: يا تقبل يا نخبط في الحيط.

خلّينا نكون واضحين: اللي بيلعب على حتة الفلوس ويضغط على ناديه بالتهديد غير المباشر، يبقى ما احترمش القميص ولا الالتزامات. والوكيل اللي يحوّل اللاعب من عنصر أساسي في مشروع كروي إلى سلعة مزايدة، يبقى بيحرق اللاعب قبل ما يكسبه.

الأهلي أكبر من أي لاعب، وأكبر من أي وكيلة، واللي فاكر إن رقم 10 ملايين دولار يخوّف الأهلي أو يكسره يبقى واهم. يا احتراف بجد وبشفافية كاملة، يا بلاش اللعب ده… لأن الأهلي عمره ما اتبنى على الضغط ولا التهديد.”