انفجار داخل الأهلي.. نجم الفريق لـ سوروب: “مش هقعد على الدكة”!

كواليس النادي الأهلي بتكشف عن وجه آخر لأزمة حراسة المرمى، والمرة دي الاتهامات رايحة مباشرة للقائد محمد الشناوي. المصادر بتقول إن الشناوي بقى في حالة “أنانية مفرطة” ومصمم يقف أساسي مهما كان مستواه، والسبب مش بس حب الظهور، لا ده هدف شخصي بحت وهو كسر رقم عصام الحضري التاريخي والمشاركة في كأس العالم 2026 بأي ثمن.

الأزمة بدأت لما الشناوي جدد عقده، وقتها كان فيه اتفاق “سري” إنه يفضل الحارس الأول مهما كانت المتغيرات، وإنه ياخد الأسد في نظام “المداورة”. لكن الدنماركي جيس ثوروب ضرب بكل الوعود دي عرض الحائط ومطبقش الكلام ده في الملعب، وده اللي خلى الشناوي ينفجر ويدخل في سلسلة مشاكل جوه أوضة اللبس.

الشناوي شايف إن قعدة الدكة بتبعده عن حلم المونديال وبتهدد مستقبله الدولي، وعشان كدة ملوش دعوة بمستوى أو تراجع، هو عاوز مكانه وبس. الحالة دي خلت الأجواء متوترة جداً بينه وبين الجهاز الفني، وبقى الصراع بين “طموح القائد” و”قرارات المدرب” هو اللي بيحكم المشهد حالياً.