قرار صادم من حلمي طولان.. للاعب الاهلي الكارثي خارج قائمة المنتخب أمام الإمارات!

في ظل التحضيرات الأخيرة لمنتخب مصر الثاني قبل مواجهة الإمارات في كأس العرب، بدأت تتضح ملامح التشكيل النهائي، والمعلومة المؤكدة دلوقتي إن حلمي طولان استقر بنسبة كبيرة جدًا إنه يبدأ بمروان حمدي على حساب محمد شريف في مركز المهاجم الصريح.

القرار ده مش سببه أي أزمة أو مشكلة بين طولان وشريف زي ما اتقال على السوشيال ميديا، ولا ليه علاقة بأي شائعات اتنشرت من كام يوم.. كل الموضوع إن المدير الفني شايف إن طريقة لعبه قدام الإمارات محتاجة مهاجم محطة قوي، بيعرف يلعب على الاحتكاك، ويستغل الكرات العرضية والطولية، وده الدور اللي مروان متميز فيه.

طولان شايف إن مروان هو الأنسب للمواجهة دي تحديدًا، خصوصًا إن منتخب الإمارات بيلعب بمدافعين طويلين وبيعتمد على الالتحام، وبالتالي وجود مهاجم بدني زيه هيكون مفيد جدًا تكتيكيًا.

محمد شريف موجود في المعسكر بشكل طبيعي، وجاهز فنيًا وبدنيًا، وممكن يبقى الورقة الرابحة في الشوط التاني، لكن القرار الفني هو اللي رجّح كفة مروان في البداية.

باختصار.. مفيش مشاكل، مفيش استبعاد، مفيش عقوبات.

فيه قرار فني واضح.. ومباراة محتاجة نوع معين من المهاجمين، وطولان اختار الأصلح للخطة.