انتهى زمن الدلع.. فرمان عاجل ينهي مسيرة “نجم الورق” مع الفريق: ارحل غير مأسوف عليك.. والبديل مفاجأة!

محمد مجدي أفشة، صانع ألعاب الأهلي، بدأ يعيد ترتيب أوراقه في الفترة الأخيرة، بعد ما أبدى موافقة مبدئية على فكرة الانتقال لنادي سيراميكا كليوباترا خلال فترة الانتقالات الشتوية الجاية، في ظل العرض الرسمي اللي قدمه النادي، واستغلال ابتعاد اللاعب عن المشاركة مع الأهلي تحت قيادة الدنماركي ييس توروب.

في البداية، أفشة كان رافض تمامًا فكرة الرحيل عن القلعة الحمراء، ودايمًا متمسك بالأهلي، وبيفضل القعدة والاستمرار حتى لو على دكة البدلاء، على أمل إن الفرصة تيجي ويشارك بشكل أساسي. لكن الوضع اختلف، واللاعب بدأ يراجع نفسه، خصوصًا مع استمرار غيابه عن حسابات الأجهزة الفنية المتعاقبة.

اللي شجّع أفشة أكتر على التفكير في عرض سيراميكا، كذا عامل مهم:

أولهم قلة مشاركته المستمرة، وتقدمه في السن نسبيًا، واللي ممكن يخلي فرصته في الرجوع أساسي في أي وقت بعد كده أصعب.

تاني عامل، نجاح تجربة عمرو السولية مع سيراميكا، وتألقه بعد انتقاله من الأهلي، وده خلّى أفشة يشوف إن الخروج ممكن يكون بداية جديدة مش نهاية المشوار.

أفشة خرج من حسابات المشاركة مع الأهلي من بداية الموسم، سواء مع خوسيه ريبيرو، أو عماد النحاس كمدير فني مؤقت، وأخيرًا مع ييس توروب، وده خلّى اللاعب يحس إن الاستمرار بالشكل ده ممكن يضيع عليه سنين مهمة في مسيرته.

الأيام الجاية هتحسم القرار النهائي، يا استمرار ومحاولة أخيرة في الأهلي، يا خطوة جريئة لبداية جديدة مع سيراميكا.