بث مباشر
الأهلي داخل ماتش مهم جدًا قدام شبيبة القبائل في دوري أبطال إفريقيا، والماتش ده يعتبر مفترق طرق حقيقي للفريق بعد فترة نتائج مش قد كده، ومع الغيابات اللي ضربت الفريق، توروب مضطر يغيّر ويلاقي حلول عشان يرجع التوازن ويحقق نتيجة تريح الدنيا شوية.
الجهاز الفني عارف إن أي نزيف نقط تاني هيصعّب الحسابات، عشان كده في اتجاه للعب بشكل منظم وواقعي، مع الاعتماد على اللعيبة اللي عندها شخصية وخبرة تقدر تحسم المواقف الكبيرة، خصوصًا في ماتشات إفريقيا اللي محتاجة تركيز 90 دقيقة.
التشكيل الأقرب للأهلي قدام شبيبة القبائل
في حراسة المرمى: مصطفى شوبير
خط الدفاع: محمد هاني – ياسين مرعي – ياسر إبراهيم – كوكا
خط الوسط: مروان عطية – أليو ديانج – محمد علي بن رمضان
خط الهجوم: تريزيجيه – مروان عثمان – أشرف بن شرقي
واضح إن توروب ناوي يقفّل نص الملعب بديانج ومروان عطية، ويدي الحرية قدام لتريزيجيه وبن شرقي ورا مروان عثمان، عشان يحل أزمة الفرص الضايعة اللي ظهرت في الماتشات الأخيرة.
الماتش مش سهل خالص، لكن الأهلي طول عمره بيعرف يقوم وقت الجد..
