توروب مصر عليه.. خطوة واحدة تفصل إتمام صفقة الاباتشي لــ الأهلي

توروب مصر عليه.. خطوة واحدة تعطل إتمام صفقة دياباتي لــ الأهلي

الأهلي داخل فترة انتقالات يناير بنظرة مختلفة تمامًا، وكل التركيز دلوقتي على صفقة المهاجم اللي بقالها شهور صداع في دماغ الإدارة والجماهير. وبشكل واضح.. الإيفواري إبراهيما دياباتي مهاجم جايس السويدي هو الاسم اللي واخد نصيب الأسد من الاهتمام داخل القلعة الحمراء.

مصدر داخل الأهلي أكد إن النادي قرر يبعث مندوب رسمي للسويد خلال الأيام الجاية لحسم الصفقة بشكل مباشر، خصوصًا إن اللاعب واخد إشادة كبيرة من الإدارة ومن الجهاز الفني بقيادة ييس توروب، والراجل مقتنع بيه جدًا و شايف إنه يصلح يبقى رأس الحربة الأساسي اللي الفريق مفتقده.

الأهلي قدم عرض رسمي بـ مليون ونص دولار للنادي السويدي، لكن الإدارة هناك لسه مردتش، خصوصًا إن في أندية من الخليج وأوروبا دخلت على خط المفاوضات وبتحاول تخطف اللاعب. وعشان كده سفر مندوب الأهلي مهم عشان يقفل الموضوع من أرض الملعب ويتفاوض وجها لوجه.

المبشر في الموضوع إن دياباتي نفسه مرحّب جدًا بالانتقال للأهلي، ووافق على الشروط الشخصية، ومتبقاش غير الرتوش الأخيرة بين الناديين. اللاعب شايف إن خطوة الأهلي هي طموحه، خصوصًا مع المشاركة في دوري أبطال إفريقيا والظهور على مستوى أكبر.

دياباتي لو جه هيغيّر شكل الهجوم تمامًا، وهيبقى إضافة قوية لفريق بيدور على مهاجم هدّاف من زمان. والأهلي داخل بقوة عشان يخلص الصفقة قبل ما تضيع