الزمالك
حازم إمام يفجّرها: “لاعب الزمالك المنحوس… إزاي بينضم للمنتخب؟!”
حازم إمام يفجّرها: “لاعب الزمالك المنحوس… إزاي بينضم للمنتخب؟!”
النهاردة جمهور الزمالك خرج من الماتش وهو مش قادر يستوعب إزاي فريقه خسر نقطتين بالشكل ده، وكل ده بدأ بخطأ واحد… خطأ ساذج جداً من محمد صبحي.
غلطة ما تتحسبش على حارس في الدوري الممتاز، ولا حتى حارس ناشئين… ومع ذلك بتحصل من حارس بيتم استدعائه لقائمة منتخب مصر!
المشهد كان واضح… الكورة في إيده، المفروض أبسط تصرف يحافظ بيه على هدوء الفريق، لكن صبحي قدم هدية مجانية للمنافس فتحت عليهم باب الهزيمة.
الكرة دي مش بس ضيعت مكسب، دي كشفت مشكلة أكبر: هل فعلاً صبحي هو الحارس الأنسب لمنتخب مصر؟ هل الأداء ده كفاية علشان يحمل تيشيرت المنتخب اللي محتاج حارس ثابت، وهادئ، وعنده شخصية كبيرة؟
الجمهور النهاردة ما كانش زعلان من خسارة الــ 3 نقاط بس… كان زعلان من تكرار الأخطاء، ومن إصرار الجهاز الفني للمنتخب على ضم حارس مش ثابت، ومش بيطمن، ومش بيقدم أداء يستاهل أنه يكون رقم واحد أو حتى اثنين.
لو المنتخب داخل بطولة كبيرة… أخطاء زي دي متدفعلهاش تمن، دي بتطلعك برا البطولة من بدري.
والمفروض اختيار الحارس يبقى على الأداء، مش على الاسم.
