الزمالك
سيف زاهر يكشف.. الزمالك يواصل خسارة نجومه لصالح بيراميدز!
سيف زاهر يكشف.. الزمالك يواصل خسارة نجومه لصالح بيراميدز!
بيراميدز يخطف أحمد حمدي من الزمالك.. واللاعب يرحب بعد أزمته الأخيرة كشف الاعلامي سيف زاهر من مصادر موثوق منها ان بيراميدز دخل رسمي في مفاوضات جادة مع أحمد حمدي لاعب الزمالك، واللي عقده بينتهي نهاية الموسم ده، وتحرك السماوي بسرعة لاستغلال تعثر مفاوضات تجديد عقده مع الزمالك بعد الخلافات المالية اللي وقفت كل حاجة.
مصدر مقرب من اللاعب أكد إن بيراميدز اتواصل بالفعل مع أحمد حمدي لاستطلاع رأيه، واللاعب رحّب بشكل مبدئي خصوصًا بعد قرار جون إدوارد، المدير الرياضي للزمالك، إن اللاعب خارج حسابات الفريق بعد فشل جلسات التجديد.
الخلافات المالية كانت كلمة السر.. مفيش اتفاق، ومفيش خطوة جدية من الزمالك، وده فتح الباب إن اللاعب يفكر في الرحيل خلال يناير علشان النادي يستفيد ماديًا بدل ما يمشي ببلاش آخر الموسم.
اللاعب نفسه حسب كلام المصدر ماكانش مرتاح داخل الزمالك، وموضوع إصابته بالرباط الصليبي والأزمة اللي حصلت بعدها خلت العلاقة تهتز، وده خلّاه يميل لفكرة الانتقال لبيراميدز اللي شايف إنها فرصة أفضل في الوقت الحالي.
بيراميدز دلوقتي بيدوس بسرعة علشان يحسم الاتفاق مع اللاعب خلال يناير، على أن ينضم رسميًا بنهاية الموسم بعد انتهاء عقده مع الزمالك.
