صدمة في الأهلي! اللاعب السابق يطلب 250 مليون للعودة

بالنسبة ليا مكنش غريب إن حمدي فتحي يطلب من الأهلى 250 مليون جنيه للموافقة على العودة للفريق وكمان عايز المدة 5 سنوات، وكمان بالنسبة ليا مش غريب إن الأهلي رفض وصرف النظر عن ضم اللاعب نهائيا..

حمدي فتحي قبل كأس العالم هو اللي طلب إنه يرجع فترة كأس العالم علشان يكمل سلسلة إستفادته من الأهلي.. وقبل كدا جه الأهلي من إنبي علشان ياخد كل البطولات الممكنه ولما شبع بطولات قالك أشبع فلوس ورغم تمسك كولر بيه ورفضه إنه يمشي.. لكن وقتها صمم وقالك همشي يعني همشي ولما شاف بطولة جديدة وإسم كبير إنك كلاعب تشارك في حدث قوي زي كأس العالم قالك أروح ألعب كام ماتش دول وأديني لسه في قطر زي ما أنا عشان الفلوس

إدارة الأهلى واخده بالها إن حمدي فتحي كبر فى السن وكمان مستواه متراجع مع دوري كل إهتمامه هجوميا فقط والمدافعين هناك مفيش (فاكرين المدافع يوسف أيمن اللى كان مدافع اساسي للمنتخب القطرى وانتقال للاهلى..

حمدي فتحى حسبها فلوس بس معملش حتى زى بن شرقي وزيزو اللى سابو أضعاف اللى كانو بياخدو فى قطر ورجعو الأهلى