صدمة في القلعة الحمراء… لاعب يضع الأهلي في ورطة ويسرّب خطة المباراة للجيش الملكي!

مع دقات الساعة الليلة، ملعب المجمع الرياضي الأمير مولاي عبد الله هيكون جاهز يشهد واحدة من أقوى مواجهات الجولة التانية من دور المجموعات… الجيش الملكي المغربي قدّام الأهلي، في مباراة كل فريق داخلها بطموح مختلف لكن بهدف واحد… الفوز ولا غيره.

الجيش الملكي داخل اللقاء وهو عايز يمسح أثر الهزيمة من يانج أفريكانز، والجمهور مستنيه يعمل رد فعل قوي على أرضه وبين جماهيره. سانتوس مدرب الفريق المغربي محضّر كل حاجة، بيلعب على ورقة الضغط الجماهيري وعلى مهارات أحمد حمدون ويوسف الفحلي… لكن اسم واحد واخد أكبر قدر من الأضواء: رضا سليم.

رضا داخل المباراة وهو شايل تحدي شخصي… قدّام الأهلي، قدّام فريقه الأصلي، وقدّام نفسه قبل أي حد. اللاعب عايز يثبت إنه يستحق يرجع الأهلي، وإنه قادر يكون ورقة رابحة، خصوصًا إن أداءه مع الجيش الملكي الفترة اللي فاتت لفت الأنظار.

في المقابل… الأهلي داخل بأعصاب هادية وثقة عالية بعد الفوز على الزمالك وشبيبة القبائل، وييس توروب مجهّز كل التفاصيل بدقة. الفريق عارف إنه قدامه خصم شرس وسط ضغط جماهيري، بس الأهلي في إفريقيا دايمًا عنده شخصية بتتكلم.

النهارده مش مجرد ماتش… النهارده اختبار شخصية، قوة أعصاب، وصراع تكتيكي بين مدربين كل واحد فيهم حافظ التاني كويس.