“سيعاني كثيراً”.. خالد بيومي يضع يده على الثغرة الأخطر في تشكيل الفراعنة قبل قمة كوت ديفوار.

ربنا يكون في عون منتخب مصر في المواجهة الصعبة قدام كوت ديفوار، خصوصًا بعد التحذير الواضح اللي قاله خالد بيومي.
القلق الأكبر كله رايح ناحية الجبهة اليمنى لمنتخبنا، وتحديدًا محمد هاني في مواجهة جناح شمال كوت ديفوار المرعب.
عندهم يان ديوماندي، وبديله بازومانو توريه، والاتنين مش مجرد لاعيبة سريعة وخلاص، دول من أسرع 3 لاعبين في الدوري الألماني الموسم ده.
بازومانو توريه تحديدًا رقم مرعب، أكتر لاعب عمل سبرينتات في الدوري بـ361 سبرينت خلال 14 مباراة بس.
الهدف اللي سجله قدام بوركينا فاسو دليل واضح، الراجل خد الكورة من عند الجون وطار بيها للجون التاني وسجل كأن الملعب فاضي.
طيب نقول نقفل عليهم؟ المشكلة إن الموضوع مش سرعة وبس.
يان ديوماندي هو أكتر جناح كسب صراعات ثنائية في الدوري كله، وبديله توريه مش أقل منه حاجة.
توريه كمان تاني أكتر لاعب عمل عرضيات من لعب مفتوح، يعني خطر دايمًا حتى لو متراقب.
ولما تيجي للمراوغة، ديوماندي الأول في المراوغات الناجحة، وبعده أوليس، وفي المركز التالت مين؟ بازومانو توريه.
يعني سرعة وقوة ومراوغة وعرضيات، والاتنين في نفس الجبهة… اختبار صعب جدًا للدفاع المصري.