نادر شوقي يفجر مفاجأة: “خليفة لامين يامال” محبوس على دكة الأهلي بقرار من سوروب!

اثناء كأس الامم الافريقية، يس توروب مدرب الاهلي كان أدي فرصة لمجموعة من الناشئين في كأس الرابطة وكان ظهر وقتها لاعب واعد جدا اسمه ابراهيم الاسيوطى وكان عمل اداء اكتر من ممتاز مع الفريق وكلنا استبشرنا بيه خير انه يفك شفرة مركز الباك اليمين دا، لكن فجأة بعدها لقينا اللاعب خرج من حسابات المدرب وكأنه فص ملح وداب ، ياجدعان الواد راح فين  محدش يعرف حاجه….
النهاردا كان فيه لقاء تليفزيونى لوكيل اللاعبين نادر شوقي واللي كشفلنا مفاجئة كدا وهى اولا هو اللي جاب اللاعب من اسمنت اسيوط، ثانيا هو كان جايب اللاعب للفريق الاول مش للناشئين والكل كان مقتنع بيه جدا انه هيكون مشروع لاعب للمستقبل بديل لهاني في المركز دا لكن فجأة وبدون اسباب الادارة غيرت تخطيطها وجابو احمد عيد عشان يكون هو بديل هاني ونزلوا اللاعب لقطاع الناشئين ، نادر بيقول لما دا حصل حاولت اطلع اللاعب اعـ،، ـارة ولا كدا بحيث يلعب لكن الادارة رفضت الفكرة…
ايه المغزي انى أجيب لاعب عادي واقل من العادي زى أحمد عيد وأمشي موهبة عظيمة جدا زى ابراهيم الاسيوطي و كمان سنه صغير (19سنة) ، وانا مش ببالغ وانا بوصفه بالموهبة العظيمة لأتك لو اتفرجت عليه هتشوف باك يمين عنده جرأة، سرعة، وشخصية لاعب كبير وهو لسه صغير، تحسه واثق في نفسه، مش بيستخبى، ودايمًا بيطلب الكورة وبيحاول يعمل إضافة حقيقية مش مجرد وجود في الملعب.

وضيف علي كدا إنه سريع بالكرة ومن غيرها، بيعرف يطلع ويضغط ويقطع، وعنده إحساس كويس بالمساحة والتوقيت.. . لاعب كان ينفع تعتمد عليه وتبني معاه، خصوصًا إن مركز الباك اليمين محتاج جودة حقيقية لو عايزين ننافس في أفريقيا والدوري.

من وجهة نظري، نزوله ناشئين تاني عشان لاعب متواضع زى عـ،،ـيد جر،يمة لا تغتفر.. اللاعب محتاج احتكاك واستمرارية،
. لاعب بالموهبة دي كان لازم يتراهن عليه، وأنا واثق إنه كان في وقت مش طويل هنشوفه أساسي في الأهلي، وبعدها في منتخب مصر كمان….