ابراهيم فايق: علي مسؤليتي الصفقة تمت.. العنتيل : « أهلاوي حتي 2030»!”

صفقة أسامة فيصل تقترب.. لكن كلمة توروب لسه ما اتحسمتش

الإعلامي احمد شوبير كشف عبر حسابه الشخصي على فيسبوك عن تطور مهم في ملف صفقات النادي الأهلي خلال الميركاتو الحالي، وتحديدًا في مركز الهجوم اللي عامل صداع للإدارة والجهاز الفني.

حسب كلام شوبير الأهلي بقى قريب جدًا من حسم صفقة أسامة فيصل مقابل حوالي 70 مليون جنيه، بعد مفاوضات طويلة مع نادي البنك، وفيه تقارب كبير في وجهات النظر بين الطرفين، لكن لسه مفيش توقيع رسمي حتى الآن.

في نفس الوقت، النقطة الأهم إن ييس توروب المدير الفني للأهلي، ما زال متمسك بفكرة التعاقد مع مهاجم أجنبي، وشايف إن الفريق محتاج رأس حربة أجنبي يكون إضافة فنية حقيقية، خصوصًا على مستوى أفريقيا، وده اللي مخلّي الملف لسه مفتوح ومش محسوم بنسبة 100٪.

يعني باختصار: الأهلي قريب من أسامة فيصل

لكن توروب عايز مهاجم أجنبي

والقرار النهائي لسه بيتطبخ على نار هادية

الأيام اللي جاية هتحسم هل الأهلي هيكمل محلي، ولا هيستنى ويحسم صفقة أجنبي تقيلة قبل قفل القيد