وليد صلاح الدين يفجرها :مفاجأة سارة في الاهلي قبل مواجهة الترجي

قرر الدنماركي ييس توروب، المدير الفني للأهلي، إنه يغير استراتيجيته في ماتش العمر قدام الترجي، وحط عينه على “النينجا” حسين الشحات كأهم سلاح هجومي في ليلة السبت. توروب عارف إن الشحات عنده “الخبرة الأفريقية” اللي م بتهزرش، وقادر بلمسة واحدة يغير مسار الماتش، وده اللي خلاه يولي اهتمام خاص باللاعب في التدريبات الأخيرة؛ الهدف واضح: استغلال مهارة حسين في الاختراق والتسديد عشان يعوض خسارة الذهاب في رادس ويرجع المارد الأحمر لمكانه الطبيعي

رغم إن الشحات كان بيشارك كبديل في الماتشات الأخيرة، إلا إن “توروب” ناوي المرة دي يديله وقت أطول بكتير، وممكن نشوفه أساسي أو يكون أول تغيير “هجومي بحت” لقلب الموازين. المدرب الدنماركي شايف إن وجود حسين في الملعب بيعمل “قلق” لدفاعات الخصم وبيفتح مساحات لزمايله، وده بالظبط اللي الأهلي محتاجه قدام دفاع الترجي اللي أكيد هيلعب بطريقة “الأتوبيس” عشان يحافظ على هدف التقدم اللي سجله في تونس.

الرهان دلوقت بقى على “شخصية الشحات” في المواعيد الكبيرة؛ فهل هيقدر حسين يكون هو الورقة الرابحة اللي بتعدل مسار الأهلي في البطولة؟ ولا “توروب” هيتأخر في الدفع بيه ويخسر ميزة هجومية كانت ممكن تخلص الماتش بدري؟ استاد القاهرة مستني “تألق النينجا”، والجمهور واثق إن خبرة حسين في ليالي أفريقيا هي اللي هتصنع الفارق وتجيب جول التأهل الغالي. ليلة السبت محتاجة “قلب م بيخافش”، والشحات دايماً بيكون في الموعد.