وزارة “محمد صلاح” الخيرية.. تزويج شباب وجهاز لسرطان العظام ومرتبات شهرية

كشف رواد مواقع التواصل الإجتماعي، عن أبرز الأعمال الإنسانية لنجم مصر المحترف بصفوف نادي ليفربول الانجليزي محمد صلاح، حيث تناقلوا أخباراً عن تكفل النجم المصري بتزويج 70 عريسًا وعروسة.

 

وقالت صفحات التواصل، أن الأسطورة صلاح تكفل هذا الأسبوع بجميع تكاليف زواج أهل قريته اللي معندهمش القدرة المادية للزواج، واللي بلغت إجمالي 4 ملايين و500 ألف جنيه بواقع 70 عريسًا وعروسة. 

 

وتابعت الصفحات: “هذا بخلاف جهاز لسرطان العظام وقيمته 12 مليون جنيه و7 ملايين لمعهد ديني و5 ملايين لمستشفى طنطا و5 ملايين للبنية التحتية في شوارع طنطا ده غير رواتب شهرية لمحتاجين وكل هدف بيحرزه بيدبح عجول، وغير أنه عامل جمعية صلاح الخيرية اللي بتساعد 3000 محتاج شهريًا، بالإضافة إلى 31 سماعة أذن متطورة من ألمانيا قيمة الواحدة بـــ50 ألفًا لأطفال قريته اللي بيعانوا من الصم. 

 

وأضافت: “غير 17 حالة في إنجلترا أعلنوا إسلامهم اقتداء بأخلاقه وروحه اللي بيظهر فيها تعاليم الإسلام الحنيف واالي هما قالوا الكلام ده بنفسهم على صفحاتهم الشخصية.. النهاردة نادي ليفربول أعلن عن القيمة التسويقية المحتملة لانتقالات محمد صلاح mohamed salah الصيف المقبل 250 مليون يورو، أي ما يعادل المليارات بالجنيه المصرى. 

 

وأضافت ايضا: “طبعًا هو مش بينشر ولا بيقول حاجة عن الخير اللي بيعمله، لكن المؤسسات هي اللي بتقول عشان تشجع الناس يتعاونوا معاهم، مضيفًا: “فعلا الخلق الأدب بيتجمعوا فيه وربنا يكرمه بكل حسنة بيعملها”. 




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.