فى تعليقه على البرتغالى فيريرا وما يقدمة فى الفتره الاخيره من مستويات ضعيفه مع الزمالك تحديداً فى الموسم الحالى.
أكد مرتضى منصور رئيس النادي، أنه لم ولن يتدخل فى عمل البرتغالى فيريرا المدير الفنى للفريق، تحت أى ظرف.
منصور وعبر تصريحات له قال : انا مش زى ناس تانية بتهرب ساعة الخسارة، لا انا بطلع وبتكلم، وفيريرا مسئول حتى نهاية الموسم.
فى أخطاء فنية فى الفريق، ودى قصة المدير الفنى، وانا حزين جداً زى كل جمهور الزمالك، ومع ذلك بعد الماتش لم أتحدث بأى تصريحات.
بعد الماتش نمت بسبب أنى حزين، وخلاص نقفل صفحة المباراة دى ونركز فى اللى جاى، ومش هقعد حتى مع فيريرا، واتكلم فى الفنيات لانه اكيد بيعرف فيها أحسن منى دا مدرب كبير.
الوقت مازال مبكر، فنحن فى الاسبوع الـ 11 من أصل 34 أسبوع، وفيريرا المفروض يقعد مع نفسه ويراجع هو أخطائه إنما انا لا مش هقعد معاه.
انا خايف على رصيد فيريرا عند الجمهور أنه يقل، وياريت المترجم بتاعه يدخل على صفحات الزملكاوية، وينقله ردود أفعال الناس الحزينه.
واتم : فى كل الاحوال الحساب هيكون فى نهاية الموسم، مش هيكون حساب بالقطعه.
