علق مرتضى منصور على قرار عزله من رئاسه نادي الزمالك، وذلك بناء على الحكم الصادر اليوم من القضاء الإداري بعزله من منصبه.
وقال مرتضى منصور في فيديو تم بثه عبر قناته على “اليوتيوب”:” مش هارد على الحكم اللي صدر النهارده بحترم الأحكام لكن لما يبقى في ظروف للحكم من حقنا نكلم”.
وأضاف: “عندنا ماتش مهم مع المقاولون، وماتش مهم جدا جدا مع الأهلي في دوري الكرة الطائرة، ردي إن شاء الله بعدها، عاوز أقول كفايه مش انا المضرور، وبقول للي فرحوا وقالوا هنخش منزلوش الإنتخابات ليه، انا موجود رئيس نادي مش هارد دلوقتي”.
وشدد مرتضى:’انا بحترم القضاء، لكن الحكم لما يتعرف من 3 أيام من هاني زادة وابنه تبقى كارثة، وبعض الصفحات تكتبه، مش هكلم على الحكم لإن الحكم عنوان الحقيقة لكن هكلم على الظروف اللي صدر بها الحكم، بس لما الفريق يستقر”.
وأردف:” مفيش شعره من راسي إتهزت انا جاي خدمه عامه الجمعيه العموميه جبتني وهي اللي هتمشيني انا محدش يعرف يمشيني”.
وأختتم: “متفرحوش قوي عاوزين نعدل الميزان، ولا هو علشان إتكلمت امبارح في فيديو عن موضوع شيكابالا، لازم أمشي النهارده، هكلم بعد الماتش ان شاء الله، وكان في شكوى عند السيد رئيس مجلس الدوله قبل الحكم بـ3 أيام”.
