أكد الكولومبي خوان كارلوس اوسوريو المدير الفني لفريق الكره الأول بنادي الزمالك أنه يرغب في ضم ثلاث صفقات جديدة لنادي الزمالك خلال فتره الانتقالات الصيفية الحاليه ، مشيراً أن الثنائي أحمد بلحاج وسامسون أكينيولا من الصعب إستمرارهم رفقه الفريق.
وكان الزمالك قد أنهى الموسم بالتعادل مع فاركو ، وذلك في إطار المباراه التي اقيمت بين الفريقين على ستاد القاهره الدولي.
وقال أوسوريو في تصريحات عبر المؤتمر الصحفي:”في ٦ ماتشات من ال ١٣ كنا متقدمين ٢-٠ و كسبنا ال ٦ ماتشات ، و فيه ماتشين كنا متقدمين ١صفر كسبنا ماتش و اتعادلنا ماتش، الزمالك مع اوسوريو بنلعب اننا نلعب كورة و نمشي كورة ، سواء الناس عاجبها أو لا هي دي طريقتي”.
وواصل :”محتاجين ٣ لاعيبة على الاقل في الصيف مساك بيلعب برجله الشمال و مفيش كتير بيلعب برجله الشمال في الدوري المصري”.
وتابع :” مهاجم رقم ٩ زي ابراهيموفيتش يبقى طويل و يقف على الكرة، الجزيري و ناصر لاعيبة جيدة لكن مش النوعية اللي هو عايزها ،،، لازم التعاقد مع لاعب بوكس تو بوكس انا مش طالب ٨ لاعيبة عارف الظروف اللي فيها النادي ، و طالب ٣ لاعيبة فقط ، و ان شاء الله هانتحسن الفترة الجاية”.
وشدد :”بشأن أحمد بلحاج ، هو بينافس شيكابالا و زيزو لو رقم ١٠ ، بالنسبة لرقم ٨ بينافس زيزو و عمر و أحيانا السيسي و أوباما لو هيرجع و حمدي علاء ، اظن كده الإجابة وصلت بشأن بلحاج “.
وأردف :”اللي الفرقة محتاجة مش اللي انا عايزاة، انا قعدت مع أمير و بلغته ب ٤ مراكز ، ماليش علاقة بالفلوس و مقدرش أتدخل و محتاج مسئول تغذية و لازم يكون مصري عشان دي نقطة مهمة للفترة الجاية ، و مينفعش يبقى أجنبي”.
وأتم :”بشأن سامسون اظن الإجابة واضحة أيضا مثل بلحاج ،عجبني جدا لاعب الاتحاد أحمد عادل ميسي بس لو جيه الزمالك هينافس شلبي و نيمار و صعب انه يجي انا بقول مثال “.
