الزملكاوية الجريئه ..ياسمين الخطيب تفتح النار على هؤلاء وتفجر مفاجأت عن رأيها في وضع فريق نادي الزمالك و التصرفات الغير مسئولة
كشفت المذيعة والفنانة التشكيلية ياسمين الخطيب، عن رأيها في المشكلات التي تواجه نادي الزمالك في الفترة الأخيرة، وذلك خلال لقاءها في موقع تحيا مصر.
تحيا مصر يرصد تفاصيل تصريحات ياسمين الخطيب عن الزمالك
حيث قالت “الخطيب” في تصريحات خاصة لـ تحيا مصر: “ما الأهلي بردو عنده مشاكل بس مش مسلط عليها الضوء، والزملكاوية مش بتشتم اللاعيبة، احنا بندعم، والشعار بتاع سنظل أوفياء على فكرة نابع من سلوك جمهوره، أنه فعلا بيفضل ورا النادي في المحن لغاية ما يقف على رجليه تاني”.
رأي ياسمين الخطيب في وضع فريق نادي الزمالك
وتابعت: “شايفة الفريق وضعه سيء جدًا، وشايفة تصرفات غير مسئولة، ولو بوجه لهم كلمة هقولهم بصوا على الجمهور، اد ايه بيحبكم واد ايه بيدعمكم وواقف جمبكم، وأعتقد لو هما نظروا للجمهور بعين الإنصاف هيقوموا ياكلوا النجيلة”.
واختتمت: “أنا مش بحب تدخل المشجعين في شغل الإدارة والجهاز الفني، يعني بستغرب جدا من الناس اللي بتقول، كان المفروض ينزل فلان، فهو أكيد ليه وجهة نظر”.
