فتح الإعلامي أحمد شوبير، حارس مرمى الأهلي السابق، النار على الشامتين في إصابة لاعب وسط الفريق الكروي الأول يالقلعة الحمراء، إمام عاشور.
وتعرض إمام عاشور لكدمة شديدة في الساق وجزع في الرباط الخارجي للكاحل، ويحتاج من 6 إلى 10 أيام للتعافي بشكل كامل.
وحقق الأهلي فوزا على الإسماعيلي بنتيجة 3-1، على استاد برج العرب في ختام منافسات الجولة الثالثة للدوري.
وقال شوبير في تصريحات إذاعية: “لما يتعب حد عندك في بيتك أو حد صاحبك أول حاجة بتقولها إيه، ألف سلامة أو لو حد حتى متحبوش هتقول يا سيدي الله يسهله”.
وتابع شوبير: “دلوقتي لما يحصل عندنا إن حد يتصاب وأقصد إمام عاشور لما اتصاب امبارح الولد أعد يعيط عشان خاف، ولقيت حاجتين ضايقوني جدا الحقيقة، الأولى البعض قعد يقول لك إمام عاشور جاله رباط صليبي، إمام جاله كسر في رجله، وهنفوت دي ونقول ماشي كانت اجتهادات”.
وأضاف: “الحاجة التانية الصعبة جدا هي شوية الدعوات زي إلهي تنام ما تقوم إلهي مش عارف إيه، إيه ده يا جماعة إيه اللي حصل لنا أنا مستغرب جدا إمام راح الأهلي راح الزمالك مش قصة، إيه كم الغل اللي موجود عند البعض ده، ويردوا عليك يقولولك أصل ده تحفيل ده مش تحفيل ده قلة أدب إن حد يدعي عليك”.
