علق الإعلامي أحمد شوبير، على أزمة سالي منصور لاعبة سيدات الأهلي لكرة القدم، والتي وقعت مع نادي الشعلة السعودي.
وقال أحمد شوبير في تصريحات إذاعية عبر برنامجه على «أون تايم سبورتس إف إم»: «سالي منصور بعد ما وقعت عقد مع النادي الأهلي راحت تمضي مع الشعلة السعودي، فأنا قولت إن في أسباب قهرية أكيد عشان تقرر الرحيل».
وأضاف: «اللي وصلي بعدها إن سالي قررت ده لأسبابها اللي هي أن النادي أبلغها أنهم هيدوها سكن، اللي اعرفه أنه في عقد بتمضي عليه بينص على كل تفاصيل التعاقد».
https://saleandbuy.site/%d9%85%d9%86-%d9%85%d8%b1%d8%b3%d9%8a%d8%af%d8%b3-%d8%a5%d9%84%d9%89-%d8%a8%d9%88%d8%ac%d8%a7%d8%aa%d9%8a-%d8%a3%d8%b3%d8%b7%d9%88%d9%84-%d8%a7%d9%84%d8%b3%d9%8a%d8%a7%d8%b1%d8%a7%d8%aa-%d8%a7%d9%84/
وأكمل شوبير: «وبعدين قالت إن الأهلي قالي هنقدمك لوحدك وبعدين قدموني مع لاعبة أخرى، فبصراحة مفهمتش فين المشكلة، وبعدين رجعت قالت إنهم
أخبروها إنها هتبقى كابتن الفريق، ولحد هنا مفهمتش فين المشكلة بردو».
وزاد: «اللاعبة قالت إنها مضت عقد مع الأهلي، ولم تكن هناك مشاكل من الناحية المالية، وجيت عشان اسم الأهلي الكبير العظيم».
وأتم: «يا ريت حضرتك يبقى عندك من الشجاعة إنك تقولي عرض جالي من السعودية أفضل فقررت الرحيل، لإني على مدار التاريخ عارف إن الأهلي لو وعد التزم أو لو اتعاقد بيلتزم بالعقد»
