النحاس يتغنى بالأسطورة.. كلمة السر في فوز الاهلي على الحدود!
النحاس يتغنى بالأسطورة.. كلمة السر في فوز الاهلي على الحدود!
عايز أقول إن في مدافعيين تاريخيين في الأهلي ملهمش لقطات ومواقف تفتكرها قد اللي ممكن تفتكرها لياسر ابراهيم
ياسر عمل ماتش لا يمكن يتكرر مع فايلر قدام الهلال في أم درمان في اغلى بطولة في تاريخنا
ياسر عمل ماتش قدام الوداد يتكتب فيه كتب
ياسر الموسم اللي فات في اخر ٦ ماتشات من الدوري إنقاذ تاريخي في ماتش بتروجيت وانقاذ تاريخي في ماتش سيراميكا و اسيست الدوري لوسام في ماتش البنك قي الدقيقة ٩٦
الموسم ده الأهلي تقريبا كان بيخسر حظوظه في المنافسة على الدوري في ماتش الحرس وهيدخل ماتش الزمالك وهو في بحر ازمات وضغوط فيظهر ياسر من تحت الأرض حرفيا عشان يسجل هدف الفوز على الحرس
ياسر ابراهيم لاعب راجل لا عمره عمل مشكلة مع مدرب ولا اتكلم على تجديد ولا تعديل ولا اعلانات ولا حتى نعرف له اكونت على السوشيال ميديا
اللي زي ياسر عملة نادرة في الوقت ده ويستاهل من الجمهور كتير
