الصدمة الأولى للمدرب سوروب!.. اللاعب الذي قلب حسابات المدرب رأسًا على عقب!

توروب يتعرض لـ الصدمة الأولى مع الاهلي ويحدد بناء عليها أولى صفقات الميركاتو الشتوي

مصادر خاصة من داخل النادي الأهلي كشفت إن المدير الفني الدنماركي ياس توروب أبدى غضبه الشديد بسبب النقص الواضح في عدد اللاعبين في مركز المهاجم الصريح، وده كان سبب رئيسي في إن الفريق ظهر بشكل غير مقنع في أول مباراة له على المستوى الإفريقي.

توروب، حسب التقارير، اتفاجئ بعد إصابة محمد شريف الأخيرة، واللي كانت بمثابة الصدمة الأولى ليه في مشواره مع الأهلي، لأن الجهاز الفني وضّحله إن البديل الوحيد المتاح في نفس المركز هو جراديشار، وده خلى المدير الفني يستغرب إزاي فريق بحجم الأهلي، بكل تاريخه وإمكانياته، يدخل موسم طويل ومليان بطولات ومعندوش غير اتنين مهاجمين بس في القايمة.

الصدمة الأكبر إن الفحوصات الطبية أكدت إن محمد شريف هيغيب عن الملاعب لفترة مش قصيرة، بعد إصابته في العضلة الضامة، واللي هتخليه بره التلات مباريات الجاية على الأقل، قبل بطولة كأس السوبر المصري، يعني الأهلي هيكمل فترة مهمة جداً من غير المهاجم الأساسي بتاعه.

توروب نقل للإدارة رأيه بوضوح، وقال إن الفريق لازم يتدعم في مركز رأس الحربة بمهاجم سوبر، يكون عنده خبرات إفريقية وقدرة على اللعب تحت ضغط، وده هيكون أول طلب رسمي ليه في ملف الصفقات الشتوية.

وبحسب نفس المصادر، لجنة التخطيط في الأهلي بدأت فعلاً تراجع قائمة المهاجمين المعروضين على النادي، وبتجهز أكتر من اسم هيتم عرضه على المدير الفني خلال الأسابيع الجاية علشان يتم الاختيار النهائي قبل فتح باب القيد.