اتحسمت داخل الجزيرة.. نجم الجيل اهلاوي حتى 2029

28 أكتوبر، 2025

487 دقيقة واحدة

وليد صلاح الدين كلمة السر.. الأهلي يغلق ملف تجديد أحمد عبد القادر بــ 90 مليون جنيه

في تطورات جديدة داخل الأهلي.. ملف تجديد عقد أحمد عبد القادر قرب جدًا من الحسم بعد ما الأمور المالية بدأت تقرب بين الطرفين، واللاعب أظهر مرونة كبيرة علشان التجديد يتم في أسرع وقت.

المفاوضات في البداية كانت صعبة جدًا الأهلي عرض 20 مليون جنيه في الموسم، وعبد القادر كان متمسك إنه ياخد 40 مليون.

لكن مع سير المفاوضات الي كانت سهلة بعد تدخل وليد صلاح الدين ونية اللاعب إنه يكمل في النادي، الطلبات نزلت لـ 30 مليون في الموسم ولمدة 3 مواسم جاية وده قرب وجهات النظر جدًا من الاتفاق النهائي بين الطرفين

خلال الأيام الجاية هيكون في جلسة مهمة بين وليد صلاح الدين مدير الكرة ووكيل اللاعب علشان يحطوا آخر اللمسات على العقد الجديد ويعلنوا عن التجديد رسميًا.

الأهلي عايز يحافظ على القوام الأساسي واللاعب نفسه مش حابب يفكر في أي عروض برا النادي وعايز يثبت نفسه أكتر في الفترة الجاية، خصوصًا بعد ما رجع لمستواه تدريجيًا.

كلها خطوات بسيطة ويتقفل الملف رسميًا ويبقى عبد القادر مستمر مع الأحمر لسنين جاية.